中财网一致性和无偏性的区别:月光光，照地堂 等...系列粤语歌谣
来源：百度文库 编辑：中财网 时间：2024/05/05 14:20:29
月光光，照地堂 等...系列粤语歌谣
2011-02-12 19:04:59| 分类： 天下杂侃 | 标签： |字号大中小 订阅
月光光,照地堂,虾崽你乖乖瞓落床听朝阿妈要捕鱼虾啰,阿爷看牛要上山坡
哦哦哦......
阿崽你快高长大啰 帮手阿爷去看牛羊
哦哦哦......
月光光,照地堂,虾崽你乖乖瞓落床
听朝阿妈要捕鱼虾啰! 阿嫲织网要织到天光
哦哦哦......
虾崽你快高长大啰 撑艇撒网就更在行
哦哦哦......
《鸡公仔》
早早起身都話晏，眼淚唔乾入下間，
下間有個冬瓜仔，問安人老爺煮定蒸，
安人又話煮，老爺又話蒸，
蒸蒸煮煮唔中安人老爺意，
大把拉鹽又話淡，手甲挑鹽又話鹹，
三朝打爛三條夾木棍，四朝跪爛四條裙！
咁好花裙畀你跪爛，咁好石頭畀你跪崩！
橫又難，直又難，
不如捨命落陰間！
人話陰間條路好，我話陰間條路好艱難！
《何家公鸡何家猜》：
真怪诞呀又有趣,阿望望公园里,有四百只公鷄 咯咯咯,是何家都不知道,
何家公鸡何家猜 ,何家小鸡何家猜,何家公鸡何家 猜,何家母雞咯,咯,咯
猴子哥哥 熊先生 松鼠妹妹 牛叔叔 黃狗爸爸 羊媽媽 來猜來猜落
《年卅晚，買檳榔》
月光光，照地堂，年卅晚，買檳榔，
檳榔香，買紫薑，紫薑辣，買芙薘，
芙薘苦，買豬肚，豬肚肥，買牛皮，
牛皮薄，買菱角，菱角尖，買馬鞭，
馬鞭長，買屋樑，屋樑高，買把刀，
刀切菜，買鑊蓋，鑊蓋圓，買條船，
船頭高，船尾矮，浸死兩個番鬼仔，
一個浮頭，一個浸底。
《姑丈擔櫈》
姑丈擔櫈孩兒坐，孩兒坐落就劏隻鷄。
鷄會在門前喔喔啼，不如劏隻鴨；
鴨又嫌鴨毛多，不如劏隻鵝；
鵝又嫌鵝頸長，不如劏隻羊；
羊又嫌羊腳叉，不如劏隻馬；
馬又會送加出步頭，不如劏隻牛；
牛會耕田養人口，不如劏隻狗；
狗會東西方有人嚟都知，不如劏隻大貓兒；
貓兒又會捉老鼠，不如劏隻大肥豬；
肥豬食主人三斗祿，主人食佢三塊肥豬肉。
《打開蚊帳》
打開蚊帳，打開蚊帳，
有隻蚊，有隻蚊，
快啲攞把扇嚟，
快啲攞把扇嚟，
撥走佢，撥走佢。
打大書包
打大書包，打大書包，
有隻豬，有隻豬，
快啲攞支針嚟，
快啲攞支針嚟，
拮死佢，拮死佢。
《麻雀仔》
麻雀仔, 擔竹枝，擔上枝頭望亞姨：
亞姨梳隻玲瓏髻，摘朵紅花伴髻圍。
袢帶又長腳又細，咁好花鞋踩落泥，
咁好白飯喂隻貓貓仔，
咁好姑娘嫁個爛賭仔。
《椰子夾酸薑》
氹氹紫薑，椰子夾酸薑，
鷄蛋煲茶十五樣，
又擔旗又擔桿，
紅毛火水醃完薑，
醃完一样又一样。
《執到兩分錢》
執到兩分錢，留返過年，
過年有嘢食，留畀毛主席，
主席話我乖，帶我出街，
執到一張紙，寫住大地主。
氹氹转
氹氹转,菊花圆,
炒米饼,糯米团,
阿妈叫我睇龙船,我唔去睇,我要睇鸡仔,
鸡仔大,摞去卖,卖得几多钱?卖咗几多只呀?我有只风车仔,佢转得好好睇,睇佢氹氹转呀,菊花圆,
《落雨大》
落雨大
水浸街
阿哥担柴上街卖
阿嫂稳钱绣花鞋
花鞋花袜花腰带
珍珠蝴蝶
两边排
排排都有十二粒
粒粒完整
无痴鞋
《董存瑞》
董存瑞，十八歲，爲國犧牲炸堡壘，
炸到堡壘咯咯脆，全國人民流眼淚。
美國出個霹靂彈，朝鮮出個垃圾篸，
剷剷剷，剷到飛機落炸彈。
《猜呈沉》
呈沉剪，呈沉包，呈沉糯米叉燒包。
老鼠唔食香口膠，要食豆沙包。
花手巾，眞引人，基邊撈魚好過癮，
一兜一條好手運，千祈唔好踎到你頭暈
《排排坐》
排排坐，吃菓菓，豬拉柴，狗燒火，
貓衣擔櫈畀姑婆坐，
坐爛個屎窟，唔好賴我，
賴番隔籬個二叔婆 。
《落雨溦溦》
落雨溦溦，水浸田基，
田基有條蛇，嚇親大老爺，
老爺有支槍，打親纏腳娘。
《從前有座山》
從前有座山，山上有座廟，
廟裏有個和尙喺度講古仔。
佢講咩古仔呢？ 從前有座山……
《搖搖搖》
搖搖搖，趕水過沙橋，
沙橋有螺執，搵眼針嚟吉，
細路哥唔要，畀隻大香蕉
引到BB哈哈笑。
搖搖搖
搖搖搖，趕水過沙橋，
沙橋窄，砸爛你個爛屎塔。
《曖姑乖》
曖姑乖，曖姑乖，曖大姑乖嫁後街，
後街有鮮魚鮮肉賣，又有鮮花戴，
戴唔晒，擺落牀頭畀老鼠拉，
拉拉拉，拉去大新街，
大新街又有個扯皮鞋，扯下開，又扯下埋。
《大笨象，揸支槍》
大笨象，揸支槍，去打仗，
打唔贏，返嚟食碗辣椒醬，
隔籬屋企燒炮仗，問你響唔響，
唔響掌你兩巴掌。
《騎牛牛》
騎牛牛，牛牛走，
牛牛向前咪回頭，
若然回頭就打籮柚。
《撞跛腳》
趌跛跛，跛咗蹄，
冇米煮，煮泥沙，
冇屋住，住樓梯，
樓梯有隻鬼，嚇到你瓹落牀下底。
《頂手掌》
伸長手，頂手掌，
死人都要頂硬上，咿牙崩哨就貓噉樣
《鬥辣椒》
紅辣椒，綠辣椒，
平時你牙擦嘴藐藐，今日你冇膽同我撩。
《放臭屁》
屁，係肚中之氣，放佢出嚟遊灑天地，
鬼叫你咁貪心，聞咗我個屁，
嗍咗入個鼻，我要你賠返二両四。
《畫烏龜》
乞兒仔，畫烏龜，
一人一筆咪亂嚟，最後嗰個人衰仔！
《丫蟬喊》
丫蟬喊，荔枝熟，
亞婆喊，買豬肉，
大人喊，畀滾水淥，
細蚊仔喊，畀米昇焗。
《路好行》
行，行，行，行到街邊執個橙。
橙好食，路好行。
《賣懶》
賣懶，賣懶，賣到年卅晚，
人懶我唔懶。
蘿蔔頭，點豉油，
點得多，鹹過頭，
點得少，淡茂茂。
佢以爲，好正斗，
點不知，畀人踢籮柚，
一踢踢到西門口。
《拍大髀》
拍大髀，唱山歌，
人人話我冇老婆，扚起心肝娶返個，
有錢娶個嬌嬌女，冇錢娶個豆皮婆。
豆皮婆，食飯食得多，屙屎屙兩籮，
屙尿沖大海，屙屁打銅鑼。
《鬥遠》
鬥遠掟石頭，因住咪甩手，
石頭最冇眼，掟親唔好眼淚流。
《掟磚頭》
掟磚頭，鬥大嚿，
一掟掟到西門口，濺起浪花拋浪頭。
《肥仔个头》
肥仔个头，大过五层楼
肥仔个手，细过荷兰豆
《味水底》
味水底，摸泥沙，摸到泥沙当金龟，摸吾到系契弟。
《钻台底》
陈德贵，住得矮，床下底有只鬼，吓到佢钻台底。
《扯大缆》
一二三，三二一，肥婆跳舞顶第一！
《「雪」滑梯》
细蚊仔，雪滑梯，因住跌落嚟，咪学陈德贵，成日流鼻涕，
跌亲个箩柚唔好睇。
《过天梯》
过天梯，虾矮仔，人在云东过到西，唔怕米贵就最怕矮。
《做大戏》
黑面李逵，红面关公，三国水浒乱晒龙，打败清兵系英雄。
《弹象棋》
打棋子，靠眼屎，全凭眼界靠本事，唔好睇错认够屎。
《飞麻鹰》
折纸机，麻鹰飞，飞来飞去唔落地，麻鹰有条尾。
粤语歌曲"月光光,照地堂,虾仔~~~"歌名是什么?
月光光,照茅坑
月光启蒙中的歌谣
英语小歌谣系列
beyond月光光
关智斌《月光光》
请问一首粤语歌，里面有”月光光，照月堂”的句子，请问有哪位高手能告诉我，谢谢了！
求月光光歌词黄家驹唱的（要客家话版的，在线等30分）
月光照进门（猜一字）
BEYOND 月光光 女主唱
腹部照X光
月光照在地上,就像~~~~~~~~,~~~~~~~~~~
月光照人皮肤会变黒\吗？
哪里可以下载邱幸仪的《月光光》？
那有BEYOND 月光光歌曲呀！
关智斌<<月光光>>的正常地阯?可以放在q-zone的!我总找不到!帮我找找.
谁有粤语的《犀照》啊？？
照x光，b超ct，化疗等医院里面照的东西是些什么，会对人体有什么影响吗
李光地是谁
什么是地光啊???
谁知道《跑马地的月光》从哪下啊？
那里有跑马地的月光下载
月光宝盒查件 默认截图地在什么地方？
月光宝盒查件 默认截图地在什么地方？