中财网巴子是什么意思:·话“吃”
来源：百度文库 编辑：中财网 时间：2024/04/29 16:05:24
闲话·话“吃”
郑树林
从小到大来了屋里厢，学堂里还有单位里，听了交关多讲吃个闲话，好像阿拉生活，学习，工作，恋爱结婚好像统统跟吃搭界。可以入口的统称为吃，吃饭、吃菜、吃馒头、吃煎饼等等；液体吃凉开水、吃茶、吃咖啡、吃老酒、吃药，吃香烟等等，别过吃白粉勿是啥好事体，好像没么啥可以离的开吃个，还有交关跟吃勿得介个还会讲吃，吃就是上海人个生活，工作，学习样样搭介个。
“朋友侬长远勿见，来我屋里厢坐坐，吃杯茶，吃根香烟，有空今朝一道去吃眼小老酒”
“啥辰光有空阿拉一到吃杯咖啡，嘎嘎三胡”·····想老里八早读书辰光早浪厢吃个是泡饭，同班有个同学吃准足阿拉人老实，动勿动就让阿拉吃药，弄的爷娘开家长会回来就请让我吃生活，吃头塔，毕过阿拉啊勿是啥好户头，吃老是伊个闲话候着机会还要让依晓得多管闲事多吃屁，让依吃吃对阿拉恶作剧个苦头，迪个同班同学后舍地恶作剧太多，还常常吃小同学小姑娘个豆腐，吃豆腐吃到派出所，吃几年家什，迪记家什让依吃瘪吃了依蛮结棍个。么想到几年以后依吃官司出来，跟了一位邻居开公司，因常常欢喜吃独食，又做了交关吃里扒外的业务，就被邻居炒鱿鱼了。没办法依想着吃官司时学到个修汽车手艺，来了自己门口开了个修理厂，手艺人好生意就好，修理厂生意跟依人一样越来越吃香，从小一到长大个女同学晓得依学好了，看看自己年龄还勿小，经两家人家老人交流，依总算有了架子婆，到依屋里听依拉爷娘闲话让女同学吃牢依，勿要再让依瞎吃瞎弄。后舍滴听参加依结婚人讲，来了婚礼上听到依讲依吃煞迪个女人了。
想勿着迪个老朋友勿争气，有钞票依迷了搓麻将，斗地主还有啥二八杠，自己个修理厂事体勿管勿问，依加子婆对依讲了最多个就是“侬勿要老是搓麻将，赚了眼钞票就想吃老本”依回答了还要简单“大勿了回去吃老米饭”，一个本来想好好交做人家家庭，又一次把依弄特了，邻居们只好用“狗改不了吃屎”来形容依。
看看现在阿拉身边交关大学毕业的年轻人，勿想吃眼苦头，还勿去寻工作就想蹬了屋厢爷娘吃老米饭，吃了勿适宜还要让爷娘吃排头，勿晓得个小囡啥辰光才可以吃自己个饭。
吃药：上当受骗、穿小鞋。
吃生活”：打人，挨揍
吃煞依：我爱你 非常喜欢
吃牢依：盯人
吃家什：进监狱
吃排头：欺负
吃豆腐：性骚扰
吃老米饭：啃老族
吃夹头：批评