旅游cms开源:从“上海少女援交团”看尊严有价

　　从微博帖子引发，继而各大媒体急速跟进嘅“上海少女援交团”一事，被广大市民热议，并引来骂声一片。当睇完相关背景资料后，我不禁喺“少女”呢个词之前，加一个准确而残酷嘅定语“未成年”。全称应该系“上海未成年少女援交团”。对于好多正常人来讲，见到个标题都已经可以用触目惊心来形容。作为家长嘅一群，更加有无尽唏嘘，心中滴泪。最细嗰两个女仔都唔到14岁。奇怪嘅系，基本上绝大部分骂声都集中喺呢班“细路女”身上，而似乎忽略去追究嗰班接受援交嘅成年人，以及造成佢哋去援交嘅另一班成年人。

　　相关报道话，喺呢班参与援交细路女入面，其实大部分嘅家庭环境并唔差，唔系我哋想象中“卖身救父”嘅困难家庭。佢哋之所以选择缓交，更多系为咗零用钱，为物质嘅享受，为一个虚荣嘅表象。大家责骂呢班细路女嗰阵，经常会用到“自尊、尊严”呢啲词。但系，大家有无站喺佢地嘅角度同价值观上面睇睇，佢地嘅“自尊同尊严”系点样体现呢？或者对于佢哋来讲，冇LV比冇贞操来得更冇尊严：冇贞操，出街无人知，冇LV就人人都见到。物质社会加功利之心，从细培养嘅思想就系“赢在起跑线”，唔输得；处处要同人攀比，唔衰得！当学业已经唔系攀比指标嘅时候，所有攀比同尊严就转移到物质同虚荣之中。落课吃个雪糕，一定要“哈根达斯”，唔系因为啲雪糕特别滑，而系因为佢特别贵。识唔识食系一回事，呢个系口味问题；食唔食得起又系另一回事，呢个系能力同面子问题。午休饮杯嘢，一支可乐唔OK，而要去星巴克买杯咖啡。里面嘅饮料唔系重点，关键系只杯个Logo要衬得起个人……呢种消费对于一个打工仔嚟讲都相当吃力，更何况对于一班学生仔？

　　再加上周边嘅潮流杂志、娱乐周刊、网络信息，错觉即时就系“名牌就系应该陪住自己长大”，“有名牌就有品味，有名牌就有底气”，“名牌、高消费唔系一种享受，而系日常生活应该讲究”。当呢啲思想同风气喺一个群体蔓延，所有嘅所谓“尊严”，就量化到绝对细微，直接同价钱挂钩。噉就唔难理解，喺佢哋呢班细路女入面，尊严到底要靠咩来体现。当大家可以去买咖啡嘅时候AA，或者轮流做庄，请大家去必胜客食个午餐嘅时候，所谓嘅“尊严”就会出来。如果你左手攞住张成绩满分嘅试卷，右手揸住匶花卷，就好似同呢个潮流群体绝缘。当考得唔好可以买分，成绩差就出国做留学生，只要有钱就可以解决问题嘅时候，最大嘅问题唔系读书攞几分，而系荷包有几多银？

　　昨天我嘅举例，唔系为呢班细路女辩驳，而系想讲下问题嘅一个根源。当然，就算佢哋再无知，再需要通过物质来支撑自信，绝对都知道援交唔系一件好事。而呢啲所谓嘅“群体性价值体现”，佢哋亦都明白系脱离实际，屋企都唔会支持。所以，只能“自食其力”援交，唔可以指望屋企嘅援助。而当一个群体都认为噉样系正常同正确嘅，嗰啲本来“道德、贞操、尊严”，就会俾简单嘅物质代替。当思想同现实相结合演变成“一次污、两次秽、三次冇问题、四次就乜都制”，可能援交嘅能力比成绩更值得比较，因为直接反映到你系“Dior”级，抑或买件“Giordano”兜头笠。呢啲由虚荣同攀比嘅思想造成嘅价值观，系边个灌输嘅呢？

　　作为家长，平时有冇做好个榜样呢？同姨妈比下手表嘅牌子；同姑丈比下屋企楼盘嘅位置。睇唔起下面啲科员揸部“雅力士”，羡慕妒忌恨处长老婆开“Benz”，诅咒隔离楼盘个富二代，车祸一定系因为开“波子”。从细到大又要学跳舞，又要学唱歌，识得画画又要识得社会百科。为培养一个嫁入豪门嘅“少奶奶”而时刻准备着。啲价值观唔扭曲就怪。

　　作为学校，考试从以前考学生，到而家考家长。打开杂志，摁着部电视；八卦新闻里面唔系“三卡钻戒夺芳心”，就系“车牌示爱百万金”。偶像剧全部都系靓车豪宅；凡系公司一定系上市嘅，凡系太子爷，一定系靓仔兼且胸怀大志嘅。最紧要系个个都唔使做，啲时间唔系攞嚟谈公事，而系攞限量版跑车嚟示爱，搞到好似爱情同样系用钱去衡量嘅。喺呢啲氛围之下，班细路女要“武装”自己，而“武装”嘅方法就系“识玩、识叹、识拣衫”，就系为未来做最好嘅准备。

　　当然，对于一班细路女，我哋唔可以过多指责，虽然佢哋貌似成熟、懂事，但系依旧未成年。作为成年人，我哋应该俾机会佢哋，并且更多噉检讨自己。我哋成日话：“呢啲系社会嘅错，系社会嘅不良风气！”社会唔识驳嘴，佢驳斥唔到我哋，但系社会系由大家组成嘅，喺呢种充斥铜臭嘅风气里面，有无揾到自己嘅踪影呢？

　　喺期望下一代可以健康成长嘅同时，我哋到底又俾咗啲乜嘢价值观俾佢哋？以前“大家三十六”年代嘅恩爱夫妻，就讲爱情，讲革命，讲钱失感情。因为当时大家都冇钱，何来讲钱嘅谈资？高速发展嘅呢廿年，揾钱就系自信、能力、尊严嘅表现。就算喺屋企，分分钟唔使听阿爷，唔使理大伯，四叔话事！因为四叔最有钱，连老窦都自觉企埋一边。

　　彭彭第N定律“唔识将尊严同物质分离，就会喺物欲当中迷失自己”。同班细路女讲一句：“经过呢件事，希望呢班细路女知道：钱，买唔到真心嘅信任。钱，换唔来失意时候嘅慰问。钱，弥补唔到屋企人嘅担心。但系，钱可以令你失去，你平时最在乎嘅尊严。”  

　　附：上海：少女寒假堕胎高峰