青空之卵百度云 中文:老上海弄堂里厢格叫卖声（中）

老上海弄堂里厢格叫卖声（中）

（续上）

“卖——豆腐花！” 狄种叫卖声，带有无锡口音。只是因为无锡崇安寺的豆腐花，立勒上海搭之无锡，是交关有名格。狄种挑担上，把勒一只煤球炉或者是炭火炉，一锅豆腐花，立勒炉子上被烧得笃笃滚。当你买了一碗豆腐花，就会拨侬加上一点葱花、酱油、麻油，喜欢吃辣格，还好加点辣油，最后还可以加一点虾皮、紫菜狄能样咯佐料。

“小钵头酒酿！”格叫卖声，主要是立夏前后出来卖格多。假使有宁（人）问：“是啥地方格甜酒酿？”格辰光，依勒才会讲：“是城隍庙里厢门前头狄家酒酿圆子店里格！”因为狄扳是上海滩浪厢一家有名格百年老店。
   “西瓜要伐西瓜!黑籽红酿西瓜!老虎皮西瓜!”，狄是立勒夏天卖瓜格挑着担子，到弄堂里厢来卖格。假使摆立勒弄堂口或者是靠马路浪厢叫卖格，狄格叫卖声，来得交关崭。“西瓜是萨拉里甜个来，三分五分卖一块！”“西瓜包甜包开，佛甜佛要钞票！”一声高一声低，有腔有调，赛子末象立勒唱山歌。
   “卖冰!冰要伐!卖冰来!”狄格是立勒图（大）热天.就有宁（人）出来卖冰块。狄格冰块，是从整块机制冰浪厢，敲下来格小块冰。弄堂里厢格宁（人），奈依买回来格碎冰,加一眼醋，等依慢慢格漾化塔之后，就拿起来喝脱。狄格就是格个辰光老百姓最早格酸梅汤。一到大热天格辰光，立勒马路浪搭子格弄堂里厢，经常有卖冰格小囡手里厢提着只蒲包，装着冰块，边走边喊：“阿要买冰呀买冰……”。“买冰”两格字，喊得来得咯急促，就好像是“买BI”格发音。因此，一些道岸貌然格学究先生，每当听到卖冰格小囡们狄些叫喊，佛是掩耳逃走，就要切齿痛恨，依认为狄格东西，还有啥格沿路喊卖格道理，真有点看佛懂勒。

后来，美女牌棒冰生产出来勒，冷饮公司格老板，就招来一帮穷人家格小囡去卖棒冰，拨依勒每人一只小木箱，奈依吊立勒头颈浪厢,里厢再用棉花胎包着棒冰。依勒一边喊，：“美女牌棒冰要伐!”一边还要用一根象棒冰样格长方小木头,立勒棒冰箱子浪厢“啪啪啪”格敲打着。
   立勒夏秋之交，时鲜货格点心搭之食品，立勒上海滩浪厢，还是蛮多格。特别是到弄堂里来卖格，花样头是交关多勒。比如有一种叫糖藕格，立勒藕格园孔当中，塞进点糯米、白糖，烧熟以后，随卖随切，当场切好片，就用荷叶包好。还有卖“热格沙角菱”“嘉兴热风菱”，“扦光嫩地梨”“冰糖山楂”等等。

尤其是立勒秋末冬初，傍晚时分，弄堂里厢就有卖炒白果格。小贩边卖边唱：“香炒热白果，粒粒开花图（大）白果！香是香来糯是糯，一只铜板买三颗，三只铜板买十颗。阿要香炒热白果啊！”有格卖白果格小贩，还会随口编格顺口溜：“老板吃仔我格热白果，生意兴隆钞票多；娘娘吃仔肚皮大，养格伲子胖又大；小弟弟吃仔热白果，聪明伶俐将来做个大佬官！”

“卖老菱啊！卖热格老菱啊！” “卖野菱啊！生格野菱吃伐！” 菱角，是江南水乡河塘里格水生植物所结格果实。其中嫩菱，可以生吃，清香、鲜美；老菱，要煮熟勒再可食用，狄样就香糯、可口；而野菱，是立勒河塘里厢自然生格，个体较小，也可以生吃，吃口特别清新、香脆。所以，每到秋初夏末时节，农夫就下湖塘去采摘新鲜野菱，并用荷叶铺盖后放立勒竹篮里厢，用手臂挎着，到上海弄堂里厢来叫卖。一般只要花上二三分铜钿，就可以买到一大把。   

“檀香橄榄——卖橄榄！”狄格叫卖声，一般都是立勒冬末春初格辰光，快天黑格傍晚，每当屋里来勒客人，也不卖其他水果，只是奉敬一杯元宝茶，上面用盖碗盖好，茶碗里厢再放两只橄榄。狄种茶，先闻闻飘溢出来格香气，再浅浅格啜上一口。啊，狄格滋味是老崭格。苏东坡有一首词当中，是狄能讲格：“人生有味是清欢”,吃茶、品茶,就是“清欢”。
   另外，老早辰光格上海宁（人），才喜欢立勒空拉嗨格辰光，嘴巴里厢弄点零食吃吃，因为依总掴着自家嘴巴里厢唔没味道。所以，上海宁（人）要吃各地格土产品，只有立勒弄堂厢格流动市场里，才能买得到。比如香大头菜，就是一种“吃白相格闲食”。“卖大头菜啊！阿要买香大头菜啊！”香大头菜，狄是浙江格土产品。卖香大头菜格小贩，有格辰光还兼卖湖州出产格麻酥糖，有格还卖“老诸家“格湖州粽子。再有卖“甘草梅子、黄连头！”“盐金花菜、芥辣菜！”“阿要又香又糯格热格珍珠米！”所有狄些，也是上海宁（人）要吃、爱吃格闲食。

还有一种是立勒半夜里厢出来卖格小贩。比如，“桂花——赤豆汤！”“白糖——莲心粥！”“猪油夹沙八宝饭！”“火腿——粽子！”“五香——茶叶蛋！”“薏米——杏仁——莲心粥！”“玫瑰——白糖——伦教糕！”“虾肉馄饨面啊！”立勒夜深沉里，弄堂里厢就隐隐约约格传来一个叫卖声。狄种叫卖声，由远到近，渐渐格走近勒，原来是卖夜宵格。狄种叫卖格小贩，会拿自家格声音，控制到既不会惊醒正立勒睏得老香格宁（人），又能让还醒立勒海格宁（人），比如叉麻将格一淘格“搭子”才听得到。当然，依勒格顾客当中，还有一淘演夜场格戏剧演员，以及刚刚从舞厅里回家格舞客搭之舞女等等。

挑担卖馄饨格担子，立勒上海滩亨白浪荡有两种，一种是高脚格馄饨担子。依是敲竹头筒格，边敲边走，是发出“笃笃笃”格声音；还有一种是矮脚格馄饨担子。依是敲竹片格，发出“啪啪啪”格声音，并且是一面敲，一面还喊着：“虾肉馄饨面。”狄种馄饨担子，才是兼卖面条、馄饨格，而馄饨格馅，才是用虾肉、猪肉打和，因为依格式样比较图（大），所以叫做“图（大）馄饨”。但是，狄种馄饨担，每碗起码要小洋一只角子。面条格价钿，阿是一样咯。但是，高脚馄饨担子格历史比较长点，依只敲竹筒而不叫喊，馄饨才是小格，每碗起码一百个铜钿（即铜圆十只）。挑卖矮脚馄饨担子咯，是广东宁（人）发明咯，依拉格是专门“卖虾肉馄饨”格。后来，除塔之广东宁（人）之外，镇江帮、扬州帮，也有不少宁（人）加入进来。

老早格辰光，立勒夜里厢出来格，还有一点是供应弄堂里厢格宁（人），立勒吃晚饭格辰光，要吃粥小菜格小贩。比如卖“玫瑰乳腐、糟乳腐！”“糖醋大蒜头！”“酱油豆！”。还有一些是提着木桶，卖“熏肠肚子！”“五香酱牛肉！”搭子“臭豆腐干！”格。
   除了一点吃格之外，还有搭子弄堂里厢宁（人）格日常生活有关格叫卖声。比如：

“切笋啊！”狄是一般都立勒春节前出来格叫卖声。因为狄格辰光，每家人家才是事先买好了笋干，并浸泡立勒水里（除了清水外，最好格办法，是用淘米水）。等依泡到一定程度后，再拿出来切成片，或者切成丝，搭子香草、木耳、咸菜等，做成一只炒素或红烧肉等菜。如果让主妇们用菜刀去切，又慢又吃力。所以，依拉大多是花点铜钿，让切笋格小贩，用铡刀去切，又快又均匀。
    还有是“削刀——磨剪刀！”狄格阿是立勒春节前出来格叫卖声。狄格辰光，要过年啦，屋里厢要烧格小菜牢多格，要用刀加工格小菜牢多牢多。所以，就要用快刀来操作。如果自家来磨，费力又不讨巧。于是，就需要有专门磨刀格宁（人）来做狄庄事体。所以，阿就产生勒“削刀——磨剪刀！”格生意宁（人）。

再有卖“芦花扫帚”、“铅皮畚箕”、“鸡毛掸子”、“拖把布”、“拖把柄”等一批卖卫生用具格小贩，也拿到弄堂里来叫卖勒。

除勒卖卫生用具格小贩之外，还有一种“叮咚担”格小贩。就是依勒手里拿着一只长柄格小鼓，不停地摇动着。挑着格小担浪厢，挂几根绳子，蹚拉一点小铁片，摇动辰光，就会发出叮叮咚咚格声音。狄种“叮咚担”格小贩。是广东宁（人）做格最多格卖杂货格小贩。一个担子，两头是两只小玻璃柜，百货杂件，针线纽扣、宽紧带、生发油、花露水、小囡格别白相干，啥格样格小杂货才有格。                                   

                                             （未完，待续）