lol说丢失msvcp100.dll:老上海弄堂里厢格童谣塔子（和）游戏（下）

老上海弄堂里厢格童谣塔子（和）游戏（下）

还有游戏类格童谣：
       游戏类格童谣，主要：一是用于女小囡们边跳着橡皮筋，边唱或念格童谣；二是不分男女小囡格、用于两只小手做游戏动作，同时，还边做边唱或念格。比如：
       “蜜蜂叮瘌痢，瘌痢背洋枪，洋枪打老虎，老虎要吃宁（人），宁（人）要吃母鸡，母鸡啄蜜蜂。”狄首童谣，是做游戏格男女小囡，用自家双手格食指与姆指，先用右手格食指与姆指轻轻格捏牢左手格手背皮，然后再用左手格食指与姆指轻轻格去捏牢小伙伴格右手格手背皮。就狄样，互相叠加立勒一道，就开始边做边唱或念狄首童谣。当开始唱时，立勒最低浪厢格一只手，马上挣脱上面依只被捏牢手背皮格手指，然后迅速格奈自家刚刚挣脱出来咯小手，赶快再用自家手格食指与姆指轻轻地捏牢小伙伴格手背皮。于是，就狄样循环往复格进行下去。
       “钩钩弯弯，一百年，不许赖！” （用普通话唱或念）狄首童谣，是做游戏的男女小囡，用自家格右手小指，去勾牢对方格右手小指。然后，边做边唱或念狄首童谣。狄是一种小囡立勒做游戏前格一种许诺。接着，就开始做正式格游戏，如官兵捉强盗、或伴夜模模（即躲迷藏）、或老鹰捉小鸡等。
       “一箩麦，两箩麦，三箩开花拍图（大）麦，劈劈啪，劈劈啪。” 狄首童谣，是做游戏的男女小囡，用自己格双手合起来，放立勒自己格胸前，然后立勒边做边唱或念狄首童谣格辰光，伸出自己格右手，去摸对方格右手。就狄样，唱或念一、二、三句格辰光，便互相交替着左右手去摸对方格双手。当唱或念道第四、五句格辰光，就互相交替着左右手去拍对方格左右手。于是，就狄样循环往复格进行下去。
       “摇啊摇，摇啊摇，摇到外婆桥，外婆叫我好宝宝，娘舅拨我吃块糕。” 狄首童谣，是做游戏的男女小囡，将自家合拢格双脚，去托牢对方格屁股，做成像一只小船。然后，又用自己家咯双手，去拉牢对方格手臂。立勒做好狄格动作之后，先由后方比较有空地格一方，或由男小孩格一方，将自家格双脚，向自己格方向收拢，同时用力将对方托起，并拉向自家，再将自家格双脚着地，再用力将自家格屁股抬起，然后向后坐。狄样就完成了一个动作。然后，再由对方做狄样一套动作。在做狄样一套动作格辰光，做游戏格男女小囡，都要边做边唱或念狄首童谣。
       “金锁，银锁，咯嘞嘞嘞一锁；花轿子抬过，马兰头挑过，轧着啥宁（人）算数。” 狄首童谣，是做游戏的男女小囡，都要将自家格双手捏成拳头样子，然够将自己家格左手大姆指，轻轻格塞进自己右手格手心里厢。然后，再将自家格右手大姆指，轻轻格塞进对方格左手手心里厢。立勒快唱或念完狄首童谣格辰光，迅速格奈自家格左手大姆指拔出来，又迅速格奈自家格左手，很快格去捏牢对方右手格大姆指。于是，就狄样循环往复地进行下去。
       “ 哎唷哇啦！侬拉做啥啦？蚊子咬我呀！快点上来呀！上来做啥啦？上来白相呀！” 狄首童谣，是做游戏的男女小囡，都奈自家格双手搭仔对方格双手，一搭刮子四只手，互相一层一层格迭起来。然后，由最上面格宁（人），先用手格食指与姆指，轻轻格捏（象征性地像蚊子叮一样）一下小伙伴格手背。于是被叮一记格狄只手，就迅速格跑到最上面去。也是狄样，循环往复地进行下去。
“笃笃笃，买糖粥，三斤餔桃（核桃）四斤壳，吃侬格肉，还侬格壳，张家老伯伯，问侬讨只小花狗。汪汪汪！” 狄首童谣，是做游戏的男女小囡，都要奈自家格双手合拢，并手心向上，作讨饭格样子，边做边唱或念狄首童谣。立勒讨饭格小囡唱或念狄首童谣后，对方格小囡就讲：“好，我就拔拉侬！”讲好狄句闲话后，就用自家捏成拳头（象征性格握牢餔桃（核桃）样子）格右手，轻轻格放进对方格手心里厢。然后，再调个小囡来做游戏。
       “侬姓啥？我姓黄。啥格黄？草头黄。啥格草？青草。啥格青？笔绿青。啥格笔？毛笔。啥格毛？三毛。啥格三？高山。啥格高？年糕。啥格年？××××（讲做游戏格年份）年，奈娘养出来侬只小瘌痢。” 狄首童谣，是做游戏的男女小囡，先是互相划拳，就是出拳头或剪刀，看输赢或者猜东里猜，也叫拼令庞楞起，就是三四格小囡，也有一对小囡，互相出数（即用手指比划数字），啥宁（人）出得数字图（大），啥宁（人）就是胜利者，啥宁（人）就有优先选择权。立勒比出胜负后，胜利者就有优先选择先讲还是后讲。狄首童谣，就是先讲格先讲兜一句，接着，后讲格讲第二句。就狄样，循环往复地进行下去，直到讲到最后一句格宁（人），就是输忒格宁（人）。所以，输忒格宁（人）就要拔胜利格宁（人），刮三只鼻头。
       “十二十二小铃铛，战斗英雄黄继光，黄继光、邱少云，依拉（他们）牺牲为人民。多多拉扫米拉扫，扫米扫拉扫拉多。” （用普通话唱或念）狄首童谣，是女小囡们立勒跳橡皮筋格辰光，边跳边唱格。
       “一歇哭，一歇笑，两只眼睛开大炮！本来要打万万记，现在辰光来勿及，马马虎虎打十记，一、二、三、四、五、六、七、八、九、十！” 狄首童谣，主要是男小囡们格游戏。狄是男小囡们立勒游戏格辰光，互相打闹，一佛当心弄痛勒别格小囡。然后，无意弄痛宁（人）格小囡，就向被弄痛格小囡道歉。当被弄痛格小囡突然笑勒起来格辰光，于是大家就跑上去，唱或念着狄首童谣，轮流轻轻格拍打着狄个破涕而笑格小囡。接着，大家又欢天喜地地继续白相着刚才格游戏。
       “三、三、三！山浪有只老虎，老虎要吃宁（人），关勒笼子里，笼子娃塌（坏掉），老虎逃塌；笼子修好，老虎关进，关到南京，买包糖精，摆勒水里浸一浸。比成一只活生精（猴子）。” 立勒讲狄首童谣前，做游戏格男女小囡，先是互相划拳，就是出拳头，也叫拼令庞楞起。就是三四个小囡，也有一对小囡，互相出数（即用手指比划数字），啥宁（人）出得数字图（大），啥宁（人）就是胜利者，啥宁（人）就有优先选择权。立勒比出胜负后，胜利者就有优先选择先讲还是后讲。立勒出拳头前，就是大家一道喊“三、三、三”。然后再出拳头。狄首童谣，就是先讲格先讲兜一句，接着，后讲格讲第二句。就狄样，循环往复地进行下去，直到讲到最后一句格宁（人），就是输忒格宁（人）。所以，输忒格宁（人）就要拔胜利格宁（人），刮三只鼻头。 


老城厢中的石库门房子1


老城厢中的石库门房子2

坐在一起贪看小画书的儿童

老上海的穷人告地书状

“落雨喽，打烊喽，小八腊子开会喽。”

马路警察

   黄浦江里的船民

  老上海黄包车